Computer Operating System ဘယ်ဟာ ရွေးမလဲ?

Computer Operating System

Microsoft Windows VS Apple Mac OS VS Linux

ကွန်ပျူတာ လည်ပတ်ရေးစနစ် (OS) ကို ဘယ်ဟာ ရွေးချယ်ကြမလဲ?

ကွန်ပျူတာ သုံးစွဲသူတိုင်းဟာ OS(Operating System) ကိုသိကြမှာပါ။ OS ဆိုတာ ကွန်ပျူတာ လည်ပတ်စေဖို့အတွက် ရေးသားထားတဲ့ ဆော့ဝဲအစုအဝေးပါဘဲ။ ကျွန်တော်တို့ အများဆုံး လက်ရှိသုံးနေတာ Microsoft Windows စနစ်ပါ သူနဲ့ မကင်းနိုင်ကြပါဘူး၊ Windows မဟုတ်ဘဲ တခြား OS များမရှိဘူးလား ရှိပါတယ်၊ လက်ရှိ မိုဘိုင်းဖုန်းမှာ လူတွင်ကျယ်ကြီး လုပ်နေတဲ့ Apple Inc., ရဲ့ Desktop OS Mac OS  နဲ့ အလကား အသုံးပြုခွင့်ပေးတဲ့ Linux တို့ဟာ နာမည်ကြီး Computer လည်ပတ်ရေးစနစ်တွေပါဘဲ။ ကျွန်တော်တို့မသိသေးတဲ့ တခြား လည်ပတ်ရေးစနစ်တွေလည်း ရှိဦးမှာပါ။ ကျွန်တော် ဆရာကြီးလုပ်ပြီးပြောတာ မဟုတ်ပါဘူး ကျွန်တော်သိထားတာလေးတွေကို ပြောပြတာပါ

Microsoft Windows OS

မိုက်ကရိုဆော့ ရဲ့Windows စနစ် ကြီးဟာ ကျွန်တော်တို့နဲ့ တိုင်းပြီး ချုပ်ထားတဲ့ အ၀တ်တစ်ခုလိုဖြစ်နေပါပြီ။ သုံးရတာလည်း အံကျဘဲ ပြီးတော့ သူ့အတွက် ဂိမ်းတွေနဲ့ ဆော့ဝဲတွေ အစုအပြုံလိုက် ရှိပါတယ်။ ကွန်ပျူတာသုံးနေတဲ့ ကလေးတစ်ယောက်တောင် အင်္ဂလ်ိပ်စာ ကောင်းကောင်းမဖတ်တတ်ဘဲ ၀င်းဒိုးကြီးကို  ကောင်းကောင်းမွန်မွန် သုံးတတ်ပါတယ်။ ဘာကြောင့်မို့လို့ မိုက်ကရိုဆော့ ၀င်းဒိုးကြီးကို ဒီလောက်လူသုံးများတာလဲ ရှင်းပါတယ် ၀င်းဒိုး အတွက် အသုံးဝင်တာရော အသုံးမ၀င်တဲ့ ဆော့ဝဲတွေဟာ မှိုလိုပေါနေလို့ပါ ၀င်းဒိုးဟာ သုံးစွဲရ လွယ်ကူတယ် ဒါဟာ သူ့အတွက် လူသုံးများတဲ့ အချက်ဖြစ်နေလို့ပါ။ ဒါပေမယ့် ၀င်းဒိုးဟာ လူသုံးများလာတဲ့ အလျောက် သူ့ကို တိုက်ခိုက်မယ့် virus တွေ malware တွေဟာ တစ်သီကြီး ပေါ်ထွက်လာတာဘဲ။ အဲဒီတော့ ၀င်းဒိုး စနစ်သုံးထားတဲ့ သာမန် users တွေဟာ ဗိုင်းရပ်စ် ကိုက်ခြင်းကို ခံလိုက်ရရင် မလိုအပ်ဘဲနဲ့ သူ့ရဲ့ ၀င်းဒိုးစနစ်ဟာ ပျက်စီးခြင်းကို ရောက်သွားပါတယ် ဆိုလိုတာက တိုက်ခိုက်သူတစ်ယောက်ဟာ သူရေးထားတဲ့ ဗိုင်းရပ် ပရိုဂရမ်ကို အင်တာနက်ကနေ လွှင့်လိုက်တဲ့ အခါ သာမန်သုံးစွဲသူများ လက်ထဲ ရောက်သွားပြီး အကျအန ဖျက်ဆီးခံရတော့တာပါဘဲ။ ဒါဟာ ၀င်းဒိုး အသုံးပြုသူတွေအတွက် မကောင်းတဲ့ အချက်ပါဘဲ။ ဒီအချက်ကို ခေါက်ထားမယ်ဆိုရင်တော့ ၀င်းဒိုးစနစ်ကို ကောင်းကောင်းကြီး သုံးပျော်နိုင်ပါတယ်။

Apple Mac OS

Apple ရဲ့ OS Mac ဟာ သူရဲ့ device(စက်) ပေါ်မှာဘဲ သုံးစွဲနိုင်ပါတယ် ဈေးကြီးလွန်းတာရယ် ၀င်းဒိုးလို ဆော့ဝဲတွေ ကျယ်ကျယ်ပြန့်ပြန့်မရှိတာတွေဟာ သူ့အတွက် လူသုံးနည်းစေတဲ့အချက်ပါဘဲ။ ဒါပေမယ့် သိရသလောက် သူ့ရဲ့ စနစ်ကို Video Editor သမားတွေ Vocalist တွေသာ လုပ်ငန်းသုံးဖို့အတွက် အသုံးပြုကြပါတယ်။နောက်ပိုင်း သူထုတ်မယ့် လည်ပတ်ရေးစနစ်အသစ် Mac OS X Mountain Lion လို့ခေါ်တဲ့ OS ကို သူ့ရဲ့ စက်တွေမှမဟုတ်ဘဲ ကျွန်တော်တို့ လက်ရှိသုံးနေတဲ့ ၀င်းဒိုးစက်တွေပေါ်မှာ သုံးလို့ရနိုင်တယ်လို့ ဆိုထားပါတယ် စိတ်ဝင်စားစရာကောင်းတဲ့ အချက်ပါဘဲ။ ဒါပေမယ့် သူဟာ လုံခြုံရေးပိုင်းမှာတော့ မိုက်ကရိုဆော့ရဲ့ ၀င်းဒိုးထက် လုံခြုံတယ်လို့သိထားပါတယ်။ လူတွေဟာသူ့ကို ၀င်းဒိုးလောက် အသုံးမပြုကြဘူးဆိုတာတော့ မငြင်းနိုင်တဲ့အချက်တစ်ခုပါဘဲ။

Linux OS

Linux ဟာ ကျွန်တော်တို့နဲ့ စိမ်းနေပါသေးတယ်။နိုင်ငံခြားမှာတော့ တွင်တွင်ကျယ်ကျယ်ကြီး သုံးနေကြပါပြီ။ Linux ဆိုတာ ကျွန်တော်သိရသလောက် သူဟာ Open Source ပါ။Linux မှာ သူ့ရဲ့ အမျိုးတွေ အများကြီးရှိပါတယ် အဲဒီထဲမှာ လူသုံးများတာ သူ့ရဲ့ အမျိုးကွဲ Ubuntu ပါ။ Ubuntu ဟာ သုံးစွဲရ လွယ်ကူတယ် လုံခြုံတယ် တည်ငြိမ်တယ် ၀င်းဒိုးမှာ တိုက်ခိုက်တဲ့ ဗိုင်းရပ်တွေဟာ သူ့အပေါ်မှာ အလုပ်မလုပ်နိုင်ပါဘူး ဒါဟာ သူ့ကိုသုံးဖို့ အလွန်ကောင်းတဲ့ အချက်ဘဲဖြစ်ပါတယ်။Ubuntu က ဘာတွေထူးခြားလို့လဲ သူဟာ အလကားရဲတဲ့အတွက် Developer(Programmer) တွေဟာ သူ့ရဲ့ လည်ပတ်ရေးစနစ်ကို ကိုယ်ကြိုက်သလို ပြုပြင်သုံးစွဲနိုင်ပါတယ်။ သဘောက Linux ဟာ ရေလုံပြုတ်ချက်ထားတဲ့ အာလူးဟင်းလိုပါဘဲ ကိုယ်ကြိုက်တဲ့ မာဆလာ၊ဆား၊ကြက်သွန် စတာတွေကို စိတ်ကြိုက်ပြုပြင်နိုင်ပါတယ်။ ဒီလိုပါဘဲ Linux စနစ်ကို ပိုကောင်းသထက်ကောင်းလာအောင် ကိုယ်စိတ်ကြိုက် လွတ်လပ်စွာ ဖန်တီးနိုင်ပါတယ်။ ဒါဟာလူတွေအတွက် ကြီးမားတဲ့ အခွင့်အရေးကြီးပါဘဲ ဒါမျိုးကို Windows နဲ့ Mac OS မှာ မရနိုင်ပါဘူး။ဒါကြောင့် နိုင်ငံခြားမှာ Free ရတဲ့ Linux ကို လူသုံးများတာပါဘဲ။ ကျွန်တော်တို့လဲ Linux ကိုသုံးသင့်ပါတယ် သူအကြောင်းလေ့လာလို့ရမယ့် Website တွေကို ဖော်ပြပေးလိုက်ပါတယ် http://ubuntummguide.wordpress.com

Read more »